新周處除三害（下）

由遇上拾荒婆婆那一夜起計事隔年許光景，小頭目等『香港未來主人翁』已成功為民除害，把港共暴政及吸血財團連根拔起。香港正式進入無政府狀態，再沒有政府官員、警察及公務員執行職務行使『惡法』；地產發展商及大小業主、各行各業商家皆無鞋挽屐走。而小販毒販黑社會等黃賭毒則遍地開花，整個香港恍如時光倒流返回往日的九龍城寨般三不管，莫說生計，就是市民的基本人身安全也只能望天打卦靠自己。『港人自決』、『還政於民』再不是口號而是社會現實，可是小頭目等無業廢青身為正義的『雞蛋』，卻因邪惡的『高牆』已倒反而感到萬般失落，皆因再次返回終日無所事事的雙失日子，既無命可革更沒有暴政可供推翻，更不知往後的人生有什麼生存意義。

是日小頭目一行十多名廢青帶備飲品小食探望拾荒婆婆，只見婆婆帶上大包小包行李正在巴士站排隊候車，細問之下原來婆婆打算舉家遷往內地鄉下定居。老婆婆嘆息：『後生仔好多謝你地又黎探婆婆，不過婆婆要同個仔新抱及孫女返鄉下長住啦，以後未必再有機會見到你地。』嘍囉甲問：『婆婆，你點解仲要走啦，香港而家已經再無極權暴政及無良大集團欺壓人民，點解你仲要返大陸住？有什麼我地可以幫到你架？』婆婆雙眼噴出烈燄，道：『 咪就係因為幾年前有班廢青比D生仔無屎忽既報紙佬同無良教書佬洗腦，要搞什麼佔中開始。班摳泥自己食飽無屎痾，好玩唔玩要玩民主要玩革命，有書唔讀有工唔做有屋企唔返，每日就係上街示威、瞓街抗爭、放火打差佬，總之就四圍搞事，搞到D舖頭做唔到生意就叫爭取民主。』婆婆呷一口果汁，道：『明明警察已經拉左班摳泥，但係D仆街法官就通通放晒出黎，罰都唔罰一下。搞到班摳泥有持無恐愈玩愈大，從此香港就一日差過一日永無寧日。我個仔同新抱本來好好地一個做文職一個做Sales，結果都係公司做唔住執粒，失業之後就做散工，到而定連散工都冇得做，再唔走可以點？』婆婆連珠炮發，一眾無業廢青的臉色則愈來愈難看。婆婆續道：『孫女讀間中學仲無陰公，我個孫女讀中一就比個仆街老師洗腦跟左去上街抗爭。叫佢唔好去就剩係識駁咀，仲要鬧返自己父母轉頭，愈叫愈唔聽，愈學愈壞。如果再比佢留係香港跟住D陰質老師多兩年，實遲早變成而家班上街放火打差佬既死摳泥。今日的香港已經唔係阿婆我住左六十年既香港，阿婆我細細個由大陸偷渡落黎，估唔到而家要一家大細走返鄉下避難。香港明明好地地，班死摳泥廢青就係唔知發乜雞瘟係都要搞死香港，真係愈講就愈谷X氣！如果後生仔你真係想幫婆婆，就幫我見一個死摳泥打一個，打到佢地乖乖地返屋企讀書工作孝順父母，唔好再搞什麼民主呀革命呀，希望婆婆遲幾年再返黎香港時可以見返以前那個繁華香港。』

婆婆一輪嘴發洩出心頭之恨，十多名廢青竟無一人敢抬起頭面對婆婆，遑論有能力回應婆婆的要求。還是小頭目有大將之風，經過約一分鐘的死寂後就再次燃起孫中山加甘地再加馬丁路德金三位一體的革命之魂。先臉色轉沉，再狠狠盯著一眾跟班嘍囉，道：『你不能叫醒裝睡的人！』『好明顯呢個阿婆就係支那種，就算係香港住左六十年都只係一頭港豬，只會為既得利益者發聲，完全冇能力明白我地不願做金錢奴隸的理想，以及為香港民主所作出的犠牲。呢個支那婆根本不知道什麼叫溫水煮蛙，完全不明白沒有抗爭哪有改變的革命真理！』小頭目機關槍般背誦出一大票革民口號廢青金句，一眾廢青頓時安心起來，可是拾荒婆婆聽到小頭目的對白則明白過來，心頭大恨遠在天邊就是這群打歪後生，怒道：『原來你地就係果班摳泥，如果你地係想幫婆婆，就唔該唔好再搞死香港！』小頭目對一眾廢青發出高叫嚷：『面對暴政沉默就是最大的幫凶，今日我地就替天行道，為香港清除最後一害吧！』

婆婆被人發現遍體鱗傷躺在後巷，送進急症室後瞓足兩個月才康復出院。事後婆婆不敢對人提起此事，只催促兒媳日早離開香港，並希望今生今世再不會遇見那批摳泥港青。